ਹਲਕਾ ਅਮਲੋਹ ਵਿੱਚ ਮਿਲ ਰਿਹਾ ਆਪ ਨੂੰ ਨੌਜਵਾਨਾਂ ਦਾ ਪੂਰਾ ਸਾਥ।

ਹਲਕਾ ਅਮਲੋਹ ਵਿੱਚ ਮਿਲ ਰਿਹਾ ਆਪ ਨੂੰ ਨੌਜਵਾਨਾਂ ਦਾ ਪੂਰਾ ਸਾਥ।

ਮੰਡੀ ਗੋਬਿੰਦਗੜ੍ਹ,7  ਨਵੰਬਰ  (ਹਿਤੇਸ਼ ਸ਼ਰਮਾਂ)-ਹਾਲ ਹੀ ਵਿੱਚ ਮੰਡੀ ਗੋਬਿੰਦਗੜ੍ਹ ਦੇ ਵਾਰਡ ਨੰਬਰ 29 ਵਿਖੇ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਗੁਰਿੰਦਰ ਸਿੰਘ ਗੈਰੀ ਬੜਿੰਗ ਨੇ ਨੌਜਵਾਨਾਂ ਨੂੰ ਸੰਬੋਧਿਤ ਕੀਤਾ ਜਿਸ ਵਿੱਚ ਹਲਕੇ ਦੇ 100 ਤੋਂ ਵੀ ਵੱਧ ਨੌਜਵਾਨਾਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ ਅਤੇ ਬਲਵਿੰਦਰ ਖੰਨਾ ਅਤੇ ਉਨ੍ਹਾਂ ਦੀ ਪੂਰੀ ਟੀਮ ਨੇ ਹਲਕਾ ਇੰਚਾਰਜ ਦਾ ਸਨਮਾਨ ਕੀਤਾ।

ਹਲਕਾ ਇੰਚਾਰਜ ਨਿਯੁਕਤ ਹੋਣ ਤੋਂ ਬਾਅਦ ਹਲਕੇ ਦੇ ਨੌਜਵਾਨਾਂ ਵੱਲੋਂ ‘ਆਪ’ ਅਤੇ ਗੈਰੀ ਬੜਿੰਗ ਨੂੰ ਪੂਰਾ ਸਾਥ ਮਿਲ ਰਿਹਾ ਹੈ। ਬਹੁਤ ਚਿਰ ਤੋਂ ਹਲਕੇ ਦੇ ਵਿੱਚ ਇੱਕ ਪੜ੍ਹੇ ਲਿਖੇ ਉਮੀਦਵਾਰ ਦੀ ਮੰਗ ਸੀ ਜੋਂ ਉਨ੍ਹਾਂ ਦੀ ਸਮਸਿਆਵਾਂ ਨੂੰ ਸਮਝਦੇ ਹੋਏ, ਹਲਕੇ ਦੇ ਨੌਜਵਾਨਾਂ ਦੀ ਆਵਾਜ਼ ਬੁਲੰਦ ਕਰ ਸਕੇ।

ਇਸ ਮੌਕੇ ਤੇ ਗੁਰਿੰਦਰ ਸਿੰਘ ਗੈਰੀ ਬੜਿੰਗ ਨੇ ਕਿਹਾ “ਅੱਜ ਪੂਰੇ ਪੰਜਾਬ ਦਾ ਨੌਜਵਾਨ ਆਪਣੇ ਭਵਿੱਖ ਲਈ ਪ੍ਰੇਸ਼ਾਨ ਹੈ। ਵੱਡੀ ਤੋਂ ਵੱਡੀ  ਡਿਗਰੀ ਲੈ ਕੇ, ਵਧੀਆ ਤੋਂ ਵਧੀਆ ਕਾਲਜ ਵਿੱਚ ਪੜ੍ਹ ਕੇ ਵੀ ਅੱਜ ਪੰਜਾਬ ਦੇ ਨੌਜਵਾਨਾਂ ਕੋਲ ਨੌਕਰੀਆਂ ਨਹੀਂ ਸਨ। ਇਹ ਕਹਿਣ ਵਿੱਚ ਕੋਈ ਝਿਜਕ ਨਹੀਂ ਕੀਤੀ ਜਾ ਸਕਦੀ ਕੇ ਇਹਨੇ ਸਾਲਾਂ ਦੀ ਕਾਂਗਰਸ ਅਕਾਲੀ ਸਰਕਾਰ ਨੇ ਪੰਜਾਬ ਦੇ ਨੌਜਵਾਨਾਂ ਲਈ ਰੋਜ਼ਗਾਰ ਦਾ ਮੌਕਾ ਤਾਂ ਕਿ ਪੈਦਾ ਕਰਨਾ ਸੀ, ਉਲਟਾ ਰੋਜ਼ਗਾਰ ਦਾ ਸਾਧਨ ਪ੍ਰਦਾਨ ਕਰਣ ਵਾਲੇ ਉਦਯੋਗਾਂ ਨੂੰ ਵੀ ਪੰਜਾਬ ਤੋਂ ਬਾਹਰ ਧਕੇਲ ਦਿੱਤਾ ਹੈ। ਪੰਜਾਬ ਵਿੱਚ ਸਰਕਾਰੀ ਨੌਕਰੀਆਂ ਵੀ ਸਿਰਫ਼ ਮੰਤਰੀਆਂ ਦੇ ਬੱਚਿਆਂ ਅਤੇ ਉਨ੍ਹਾਂ ਦੇ ਖ਼ਾਸ ਲੋਕਾਂ ਦੇ ਹੱਥ ਹੀ ਆਉਂਦੀਆਂ ਹਨ। ਪੰਜਾਬ ਦੇ ਬੇਰੋਜ਼ਗਾਰ ਨੌਜਵਾਨ ਮਾੜੀਆਂ ਸਰਕਾਰਾਂ ਦੀ ਬਲੀ ਚੜ੍ਹ ਗਿਆ ਹੈ।”

ਗੈਰੀ ਨੇ ਅੱਗੇ ਕਿਹਾ ” ਪੰਜਾਬ ਵਿੱਚ ਸਿੱਖਿਆ ਪੱਧਰ ਵਿੱਚ ਸੁਧਾਰ ਅਤੇ ਰੋਜ਼ਗਾਰ ਵਧਾਉਣ ਦੀ ਲੋੜ੍ਹ ਹੈ ਤਾਂ ਜੋ ਪੰਜਾਬ ਦੇ ਨੌਜਵਾਨ ਨੂੰ ਚੰਗੀ ਪੜ੍ਹਾਈ ਅਤੇ ਰੋਜ਼ਗਾਰ ਦੇ ਚੰਗੇ ਮੌਕਿਆਂ ਲਈ ਬਾਹਰ ਨਾ ਤੁਰਨਾ ਪਵੇ। ਆਪ ਦੀ ਸਰਕਾਰ ਆਉਂਣ ‘ਤੇ ਨੌਜਵਾਨਾਂ ਲਈ ਸਹੀ ਪ੍ਰਬੰਧ ਕਰਦੇ ਹੋਏ ਸਰਕਾਰ ਨੌਜਵਾਨਾਂ ਦੀ ਸਿੱਖਿਆ ਅਤੇ ਰੋਜ਼ਗਾਰ ਲਈ ਨਵੇਂ ਉਪਰਾਲੇ ਕਰੇਗੀ।”